சட்டவிரோதமாக ஆற்று மணல் அகழ்வில் ஈடுபட்டவருக்கு அபராதம்

-எம்.எஸ்.எம். ஹனீபா

அக்கரைப்பற்று பொலிஸ் பிரிவுக்குட்பட்ட சாகாமம் பிரதேசத்தில் சட்டவிரோதமாக  ஆற்று மணல் ஏற்றிய பேரில்  ஒருவருக்கு அக்கரைப்பற்று மாவட்ட நீதிமன்ற நீதவானும் நீதவான் நீதிமன்ற நீதவானுமான எச்.எம்.எம். பஸீல் இன்று செவ்வாய்க்கிழமை 50 ஆயிரம் ரூபாய் அபராதம் விதித்துள்ளார்.

கிடைக்கப்பெற்ற இரகசிய தகவலையடுத்தே சாகாமம் விசேட அதிரடிப் படையினரால் இன்று செவ்வாய்க்கிழமை குறித்த நபர் கைது செய்யப்பட்டார்.

இதையடுத்து,குறித்த நபரை அக்கரைப்பற்று மாவட்ட நீதிமன்ற நீதவானும் நீதவான் நீதிமன்ற நீதவானுமான எச்.எம்.எம். பஸீல் முன்னிலையில் இன்று (14) ஆஜர்படுத்தியபோதே இவ்வாறு அபராதம் விதிக்கப்பட்டது.