சட்டவிரோத மதுபான விற்பனையில் ஈடுபட்டவர் கைது

-எஸ்.ஜமால்டீன்

அம்பாறை, அக்கரைப்பற்று பொலிஸ் பிரிவுக்குட்பட்ட திராய்க்கேணிக் கிராமத்தில் சட்டவிரோத மதுபான விற்பனையில் ஈடுபட்டதாகக் கூறப்படும் 22 வயதுடைய இளம் குடும்பஸ்தரான ஒருவரை  ஞாயிற்றுக்கிழமை (01) மாலை பொலிஸார்  கைதுசெய்துள்ளதுடன், மதுபானத்தையும் கைப்பற்றியுள்ளனர்.  

இந்தச் சட்டவிரோத மதுபான விற்பனை தொடர்பில் பொலிஸாருக்கு கிடைத்த தகவலை அடுத்து, மேற்படி கிராமத்தில் திடீர்ச் சோதனை மேற்கொள்ளப்பட்டது. இந்நிலையில், மதுபான விற்பனையில் ஈடுபட்டிருந்தபோதே சந்தேக நபரைக் கைதுசெய்துள்ளதாக பொலிஸார் தெரிவித்தனர்.