சிறுமியை சிறுவர் இல்லத்தில் ஒப்படைக்க உத்தரவு

-எம்.எஸ்.எம். ஹனீபா

ஆழிப்பேரலையின்போது 06 வயதில் காணாமல் போன சிறுமியின்; டீ.என்.ஏ. பரிசோதனை அறிக்கையும் சிறுமியை பெற்றோர் என்று உரிமை கோரிய இரு குடும்பங்களின் டீ.என்.ஏ. பரிசோதனை அறிக்கையும் ஒத்துப்போகாமையால் இதனை நிராகரித்த கல்முனை நீதவான் நீதிமன்ற நீதவான் ஐ.பயாஸ் றஸாக், அச்சிறுமியை சிறுவர் இல்லத்தில் ஒப்படைக்குமாறு நேற்றுமுன்தினம் செவ்வாய்க்கிழமை  உத்தரவிட்டார்.

கடந்த பெப்ரவரி மாதம் கல்முனைப் பொலிஸாரால் மீட்கப்பட்ட 16 வயது நிரம்பிய இச்சிறுமியை 02 குடும்பங்கள் உரிமை கோரியதை அடுத்து சர்ச்சை ஏற்பட்டிருந்தது.

இது தொடர்பாக பொலிஸாரால் கல்முனை நீதவான் நீதிமன்றத்தில் வழக்குத் தாக்கல் செய்யப்பட்டதை அடுத்து, உரிமை கோரியிருந்த 02 குடும்பங்கள் மற்றும் குறித்த சிறுமியின் டீ.என்.ஏ. பரிசோதனை அறிக்கையை சமர்ப்பிக்குமாறு நீதிமன்றத்தால் உத்தரவிடப்பட்டிருந்தது.