துவிச்சக்கரவண்டியில் பயணித்த யுவதி உயிரிழப்பு

அம்பாறை, பக்கிஎல்ல பகுதியில் வெல்லாவெளி நோக்கிப் பயணித்த மோட்டார் சைக்கிள், துவிச்சக்கரவண்டியுடன் மோதி, நேற்று வியாழக்கிழமை (04) விபத்துக்குள்ளானதில் யுவதியொருவர் உயிரிழந்துள்ளதாகப் பொலிஸார் தெரிவித்தனர். 

துவிச்சக்கரவண்டியைச் செலுத்தி வந்த ரஜகலதென்ன பகுதியைச் சேர்ந்த 20 வயதுடைய கேஷானி உதேசிகா என்பவரே உயிரிழந்துள்ளார். 

விபத்தில் காயமடைந்த யுவதியை கொனாகொல்ல வைத்தியசாலையில் அனுமதித்து, பின்னர் மேலதிக சிகிச்சைக்காக  அம்பாறை வைத்தியசாலைக்கு மாற்றியிருந்த நிலையில் சிகிச்சை பலன்றி உயிரிழந்துள்ளதாக பொலிஸார் தெரிவித்தனர். 

இவ்விபத்தில் காயடைந்த மோட்டார் சைக்கிள் ஓட்டுநர், அம்பாறை வைத்தியசாலையில் சிகிச்சை பெற்று வருவதாகவும் விபத்து தொடர்பான மேலதிக விசாரணைகள் இடம்பெற்று வருவதாகவும் பக்கிஎல்ல பொலிஸார் மேலும் தெரிவித்தனர்.