நீரிழிவு நோயை பரிசோதிக்கும் கருவிகள் வழங்கிவைப்பு

-பைஷல் இஸ்மாயில்

அம்பாறை மாவட்டத்திலுள்ள ஊடகவியலாளர்களுக்கு சீட்ஸ் நிறுவனத்தின் அனுசரணையில் இலங்கை மெடி ரெப்ஸ்  ஸ்ரீலங்கா நிறுவனத்தால் ஒரு இலட்சம் ரூபாய்  பெறுமதியில் நீரிழிவு நோயை பரிசோதனை செய்யும் ஒருதொகுதி கருவிகள் இலவசமாக நேற்று ஞாயிற்றுக்கிழமை வழங்கப்பட்டன.

முதற்கட்டமாக அட்டாளைச்சேனை, பாலமுனை, ஒலுவில், நிந்தவூர், சாய்ந்தமருது, அக்கரைப்பற்று பிரதேச ஊடகவியலாளர்கள் 25 பேர் தெரிவு செய்யப்பட்டு அவர்களுக்கான நீரிழிவு நோய் பரிசோதனைக் கருவிகள் வழங்கப்பட்டன.

இக்கருவிகளை பெற்றுக்கொள்ளாத அம்பாறை மாவட்ட பிரதேசத்திலுள்ள ஏனைய ஊடகவியலாளர்களுக்கு அடுத்த கட்டமாக ஜனவரி மாதம் முதல் வாரத்தில் இக்கருவிகள் வழங்கப்படவுள்ளதாக இலங்கை மெடி ரெப்ஸ் ஸ்ரீலங்கா நிறுவனத்தின் நிறைவேற்றுப் பணிப்பாளர் ஜாபிர் சாலி தெரிவித்தார்.