புதிய நியமனம்

-அஸ்லம் மௌலானா

அம்பாறை மாவட்ட உள்ளூராட்சி உதவி ஆணையாளராக இலங்கை நிர்வாக சேவையைச் சேர்ந்த ஏ.ரி.எம்.றாபி நியமிக்கப்பட்டுள்ளார்.

இவர் தனது கடமைகளை இன்று செவ்வாய்க்கிழமை காலை அம்பாறை நகரில் அமைந்துள்ள உள்ளூராட்சி உதவி ஆணையாளர் அலுவலகத்தில் பொறுப்பேற்றுக் கொண்டார்.

அம்பாறை மாவட்ட உள்ளூராட்சி உதவி ஆணையாளராக கடமையாற்றி வந்த ஏ.ஆர்.எம்.இர்ஷாத், திருகோணமலையில் அமைந்துள்ள கிழக்கு மாகாண உள்ளூராட்சித் திணைக்கள தலைமை அலுவலகத்துக்கு இடமாற்றப்பட்டதையடுத்து ஏற்பட்ட வெற்றிடத்துக்கே இவர் நியமிக்கப்பட்டுள்ளார்.

இவர் கிழக்கு மாகாண உள்ளூராட்சி அமைச்சின் உதவிச் செயலாளராக கடமையாற்றி வந்தமை குறிப்பிடத்தக்கது.