மதுபான விற்பனையில் ஈடுபட்ட 4 பெண்கள் கைது

-எஸ்.கார்த்திகேசு

அம்பாறை, திருக்கோவில் பொலிஸ் பிரிவில் சட்டவிரோத மதுபான விற்பனையில் ஈடுபட்ட குற்றச்சாட்டில் நான்கு பெண்களை ஞாயிற்றுக்கிழமை (07) இரவு பொலிஸார் கைதுசெய்துள்ளனர்.

இப்பெண்கள் மதுபான விற்பனையில் ஈடுபடுவதாக தமக்கு கிடைத்த தகவலைத் தொடர்ந்து, திருக்கோவில் பொலிஸ் பிரிவில் சுற்றிவளைத்து சோதனை மேற்கொண்டபோது இச்சந்தேக நபர்களை கைதுசெய்ததுடன், இவர்களிடமிருந்து மதுபானத்தைக் கைப்பற்றியதாகவும் பொலிஸார் கூறினர்.

இவ்வாறு கைதுசெய்யப்பட்டவர்கள் 39, 41, 47, 50 வயதுகளை உடையவர்கள் ஆவர்.