மூன்று அபிவிருத்திகளுக்காக நிதி ஒதுக்கீடு

-அஸ்லம் எஸ்.மௌலானா

கல்முனை மாநகர சபையால் மேற்கொள்ளப்படவுள்ள மூன்று அபிவிருத்திகளுக்காக 85 இலட்சம் ரூபாயை  கிழக்கு மாகாண உள்ளூராட்சி, சுற்றுலாத்துறை அமைச்சு ஒதுக்கீடு செய்துள்ளதாக மாநகர முதல்வர் எம்.நிஸாம் காரியப்பர் தெரிவித்தார்.

கல்முனை மாநகர சபையின் மாதாந்த அமர்வு சனிக்கிழமை (28) நடைபெற்றபோதே, அவர் இதனைக் கூறினார்.

தூரப் பயணிகளின் நலன் கருதி கல்முனைப் பிரதான பஸ் நிலையத்தில் தகவல் மையம் மற்றும் குளியல் அறை உள்ளிட்ட வசதிகளைக் கொண்ட நிலையத்தை அமைப்பதற்காக 30 இலட்சம் ரூபாயும் பாண்டிருப்புப் பிரதேசத்தில் சிறுவர் பூங்கா அமைப்பதற்காக 35 இலட்சம் ரூபாயும் மருதமுனைப் பிரதேசத்தில் கடற்கரையை அழகுபடுத்தும் வேலைத்திட்டத்துக்காக 20 இலட்சம் ரூபாயும்  ஒதுக்கீடு செய்யப்பட்டுள்ளதாகவும் அவர் கூறினார்.