விபத்தில் இருவர் காயம்

-பைஷல் இஸ்மாயில்

சம்மாந்துறை பொலிஸ் பிரிவுக்;குட்பட்ட நிந்தவூர் பிரதேச பிரதான வீதியில் நேற்று செவ்வாய்க்கிழமை இரவு இரு மோட்டார் சைக்கிள் மோதியதில்,  சாரதிகள் இருவரும் படுகாயமடைந்த நிலையில் நிந்தவூர் ஆதார வைத்தியசாலையில் அனுமதிக்கப்பட்டுள்ளனர்.

அக்கரைப்பற்றிலிருந்து கல்முனை நோக்கி பயணித்த மோட்டார் சைக்கிளும் நிந்தவூரில் பிரதான வீதியை குறுக்காக கடக்க முற்பட்ட மோட்டார் சைக்கிளும் மோதியே விபத்து சம்பவித்துள்ளதாக சம்மாந்துறை போக்குவரத்துப் பிரிவு பொலிஸார் தெரிவித்தனர்.

இவ்விபத்து தொடர்பில் பொலிஸார் விசாரணைகளை மேற்கொண்டுள்ளனர்.