விபத்தில் ஒருவர் பலி; இருவர் காயம்

-வி.சுகிர்தகுமார்  

அம்பாறை, சம்மாந்துறை பொலிஸ் பிரிவுக்குட்பட்ட மல்லியத்தீவு பிரதேசத்தில் நேற்று சனிக்கிழமை மாலை இடம்பெற்ற விபத்தில் இளைஞன் ஒருவர்; பலியானதுடன், இருவர் அம்பாறை வைத்தியசாலையில் அனுமதிக்கப்பட்டுள்ளனர்.

மல்லிகைத்தீவைச் சேர்ந்த யோகராசா மனோ (16வயது)  என்பவரே பலியாகியுள்ளார்.

இரண்டு மோட்டார் சைக்கிள்கள் நேருக்குநேர் மோதி விபத்து இடம்பெற்றுள்ளதாக பொலிஸார் தெரிவித்தனர்.
காயமடைந்தவர்களில்; ஒருவர் அண்மையிலேயே வெளிநாடென்றில் தொழில் புரிந்து விட்டு நாட்டுக்கு திரும்பியுள்ளார்.

இவ்விபத்துத் தொடர்பில் பொலிஸார் விசாரணைகளை மேற்கொண்டு வருகின்றனர்.