ஹெரோய்ன் வைத்திருந்த நபர் கைது

-எம்.எஸ்.எம். ஹனீபா

அம்பாறை, பொத்துவில் பிரதேசத்தில் 02 கிராம் ஹெரோய்ன் வைத்திருந்த குற்றச்சாட்டின் பேரில் 37 வயதுடைய நபரொருவரை,  புதன்கிழமை (18) இரவு கைதுசெய்துள்ளதாக பொத்துவில் பொலிஸார் தெரிவித்தனர்.

பொத்துவில் 27ஆம் பிரிவிலுள்ள வீடொன்றில் ஹெரோய்ன் போதைப்பொருள் இருப்பதாக விசேட அதிரடிப்படையினருக்குக் கிடைத்த இரகசியத் தகவலையடுத்து மேற்கொண்ட சுற்றிவளைப்பின் போதே இந்நபர் கைதுசெய்யப்பட்டதாக பொலிஸார் தெரிவித்தனர்.

இது தொடர்பாக மேலதிக விசாரணைகளை பொத்துவில் பொலிஸார் மேற்கொண்டு வருகின்றனர்.