அட்டாளைச்சேனையில் உட்கட்டமைப்பு வசதியை மேம்படுத்தும் திட்டம்

-எம்.எஸ்.எம்.ஹனீபா

அம்பாறை, அட்டாளைச்சேனை பிரதேச சபைக்குட்பட்ட கிராமங்களின் உட்கட்டமைப்பு வசதியை மேம்படுத்தும் திட்டத்தின் கீழ் 10 இலட்சம் ரூபாய் செலவில் அபிவிருத்தி வேலைத்திட்டங்கள் மேற்கொள்ளப்பட்டு வருவதாக அப்பிரதேச சபையின் செயலாளர் எம்.எஸ்.கலீலுர்றகுமான் இன்று செவ்வாய்க்கிழமை தெரிவித்தார்.

இந்தத் திட்டத்தின் கீழ் ஒலுவில் திமிட்டன் ஓடை வீதிப் புனரமைப்பு, அட்டாளைச்சேனை அரபா வித்தியாலய வீதிப் புனரமைப்பு, பாலமுனை கடற்கரைப்பூங்காவுக்கான அபிவிருத்தி வேலைகள், அட்டாளைச்சேனை கொள்கலனை புனரமைத்தல் உள்ளிட்ட வேலைத்திட்டங்கள் முன்னெடுக்கப்பட்டுள்ளதாகவும் அவர் கூறினார்.

கடந்த அரசாங்கத்தில் உள்ளூராட்சிமன்றங்களை வலுவூட்டும் தேசிய வேலைத்திட்டத்தின் கீழ், ஒவ்வொரு உள்ளூராட்சிமன்றங்களுக்கும் மாதாந்தம் 10 இலட்சம் ரூபாய் நிதி ஒதுக்கீடு செய்யப்பட்டு வருகின்றது.