41 வீடுகள் கையளிப்பு

-வி.சுகிர்தகுமார்  

ஆலையடிவேம்புப் பிரதேச செயலகப் பிரிவில் 'திரிய பியச' திட்டத்தின் கீழ், 41 வீடுகள் திவிநெகுமப் பயனாளிகளுக்கு இதுவரையில் கையளிக்கப்பட்டுள்ளதாக அப்பிரதேச செயலகத்தின் திவிநெகும சமூக அபிவிருத்தி பிரிவு உத்தியோகஸ்தர் எம்.தெய்வேந்திரன் தெரிவித்தார்.

திவிநெகுமப் பயனாளி ஒருவருக்கு 'திரிய பியச' வீடு கையளிக்கும் நிகழ்வு, ஆலையடிவேம்புப் பிரதேச செயலகப் பிரிவுக்குட்பட்ட அக்கரைப்பற்றில்; இன்று திங்கட்கிழமை நடைபெற்றது.

மேலும் இவ்வருடத்தில் 04 வீடுகள் ஆலையடிவேம்புப் பிரதேச செயலகப் பிரிவில் கையளிக்கப்படவுள்ளன. கண்ணகி கிராமத்தில் ஒரு வீடும் சின்னமுகத்துவாரம் கிராமத்தில் ஒரு வீடும் அக்கரைப்பற்றில் 02 வீடுகளும் கையளிக்கப்படவுள்ளன.

இவ்வீடுகள் அமைப்பதற்கான நிதியை திவிநெகும சமூக அபிவிருத்திப் பிரிவு வழங்குவதுடன், ஒவ்வொரு வீட்டுக்கும் 75,000 ரூபாய் நிதியுதவி வழங்கப்படுவதாகவும் அவர் கூறினார்.