உள்ளூராட்சிமன்றங்களின் வருமானத்தை மேம்படுத்துவதற்கான கருத்தரங்கு

(எல்.தேவ்.)

உள்ளுராட்சி மன்றங்களின் வருமானத்தை மேம்படுத்தும் வகையிலான வர்த்தமானி அறிவித்தல்கள் மற்றும் ஏனைய சட்டவாக்க ஒழுங்குமுறையை இனங்காணல் பற்றிய இரண்டு நாள் செயலமர்வு இலங்கை உள்ளூர் ஆளுகை நிறுவனத்தினரால் மட்டக்களப்பு பிராந்திய உள்ளூராட்சி உதவி ஆணையாளர் அலுவலகத்தில் நடத்தப்பட்டது.

வளவாளர்களாக உள்ளூராட்சி, மாகாணசபைகள் அமைச்சின் மேலதிக செயலாளர் ஹென்றி ஆராய்ச்சி, முன்னைய உள்ளூராட்சி உதவி ஆணையாளர் விமலரத்ன, பிரதி நகர செயலாளர், காமினி குணசேகர ஆகியோர் கலந்து கொண்டனர்.

புதன்கிழமை மற்றும் வியாழக்கிழமைகளில் நடைபெற்ற இந்தச் செயலமர்வின் முதல் நாள் நிகழ்வில், இலங்கை உள்ளூர் ஆளுகை நிறுவகத்தின் பணிப்பாளர் ஐ.ஏ.ஹமீட் வரவேற்புரையை நிகழ்த்தினார். விசேட உரையிளை பிராந்திய உள்ளூராட்சி உதவி ஆணையாளர் திருமதி சத்தியானந்தி நிகழ்த்தினார்.

இந்தச் செயலமர்விற்கான ஒழுங்குகளை மட்டக்களப்பு நல்லாளுகை வளநிலையம் மேற்கொண்டிருந்தது.