புரிந்துகொள்ள முடியாத நிலைமையில் கல்முனை மாநகரசபை விண்ணப்பப்படிவம்

(எஸ்.எம்.எம். றம்ஸான்)

கல்முனை மாநகர சபைக்கு உட்பட்ட அனைத்து வர்த்தக நிலையங்களையும் மாநகர சபையின் கீழ் பதிவுசெய்து, ஆண்டுக்கான அனுமதிப்பத்திரத்தை பெறவேண்டியது கட்டாயமானதாகும்.

இதற்கமைய  புதிதாக ஆரம்பித்துள்ள வர்த்தக நிலையமொன்றை பதிவுசெய்வதற்காக கல்முனை மாநகர சபைக்குச் சென்ற ஒருவர், அங்குள்ள பொறுப்பதிகாரியிடம் பதிவுக்குரிய விண்ணப்பபடிவத்தை பெற்றுக் கொண்டார்.

படிவத்தை பூரணப்படுத்துவதற்காக விரித்துப்பார்த்த வேளையில் அதில் என்ன இருக்கிறது என்பதை சரியாக புரிந்துகொள்ள முடியாது அவர் திக்குமுக்காடிப்போயுள்ளார்.

இந்த நவீன கனிணித் தொழில்நுட்ப யுகத்தில் அதுவும் ஒரு மாநகர சபையின்  வர்த்தக நிலையங்களை பதிவு செய்வதற்கான  அனுமதிப் பத்திரத்தை இவ்வாறு அச்சிட்டு விநியோகிப்பது குறித்த அவ்வர்த்தகர் கவலை தெரிவித்துள்ளார்.

மாதிரி விண்ணப்பப்படிவத்தின் பிரதியை இங்கு காணலாம்.