தங்கவேலாயுதபுர மக்களின் வாழ்வாதார மேம்பாட்டுத்திட்ட நிகழ்வு

(ரி.லோஹித்)

அம்பாறை மாவட்டத்தின் திருக்கோவில் பிரதேச செயலாளர் பிரிவிற்குட்பட்ட தங்கவேலாயுதபுரம், தாமரக்குளம், கஞ்சிகுடியாறு ஆகிய மூன்று கிராமங்களிலும் முழுமையாக மீளக்குடியேறாத நிலையில் மக்கள் தங்களது அன்றாட ஜீவனோபாயத்தை கொண்டு செல்வதில் பெரும் சிரமங்களுக்கு உள்ளாகி வருகின்றனர்.

இம்மக்களது வாழ்வாதாரத்தை உயர்த்துவதற்காக கிழக்கு மாகாணசபையுடன் இணைந்து ஸ்நேக் புட்ஸ் லங்கா தனியார் நிறுவனம் நிலக்கடலை உற்பத்தி அபிவிருத்தித் திட்டத்தை அறிமுகப்படுத்தி வருகின்றது.

இது தொடர்பான ஆரம்ப தெளிவுபடுத்தல் கூட்டம் இன்று தங்கவேலாயுதபுரம் பாடசாலையில் நடைபெற்றது.  இந்நிகழ்வில் கிழக்கு மாகாண முதலமைச்சரும் தமிழ் மக்கள் விடுதலைப் புலிகள் கட்சியின் தலைவருமான சிவநேசத்துரை சந்திரகாந்தன் பிரதம அதிதியாகக் கலந்து கொண்டு விளக்கமளித்தார்.