பிராந்திய ஊடகவியலாளரான அலிகான் காலமானார்

(ஹனீக் அஹமட், அப்துல் அஸீஸ்)

அம்பாறை மாவட்டத்தின் சாய்ந்தமருது பிரதேசத்தை சேர்ந்த பிராந்திய ஊடகவியலாளரான ஏ.எம்.அலிகான் நேற்று சனிக்கிழமை காலமானார்.

சில காலமாக சிறுநீரக நோயினால் பாதிக்கப்பட்டிருந்த அலிக்கான் - அதற்கான சிகிச்சைகளை  பெற்று வந்த நிலையிலேயே நேற்று காலமானார்.

ஒரு பிள்ளையின் தந்தையான அலிக்கான் 1953ஆம் ஆண்டு பிறந்தவாராவார். இவர் பிரபல எழுத்தாளரும், முன்னாள் வலய கல்வி பணிப்பாளருமான மருதூர் ஏ.மஜீதின் சகோதாரர்களில் ஒருவர் என்பது குறிப்பிடத்தக்கது.

காலம் சென்ற அலிக்கான் - பொது நிறுவனங்கள் பலவற்றில் இணைந்து பங்காற்றி வந்துள்ளார்.  அன்னாரின் ஜனாஸா நல்லடக்கம் நேற்று சாய்ந்தமருது மையவாடியில் இடம்பெற்றது.