பெண்ணை கத்தியால் வெட்டிய நபர் கைது

(எஸ்.மாறன்)

அம்பாறை, திருக்கோவில் பிரதேசத்தில் பெண்ணொருவரை கத்தியால் வெட்டிய நபரொருவர் கைதுசெய்யப்பட்டுள்ளதாக திருக்கோவில் பொலிஸ் நிலையப் பொறுப்பதிகாரி ஈ.பி.சமிந்த ஜயசூரிய தெரிவித்தார்.

இந்த சம்பவம் நேற்று வியாழக்கிழமை இரவு 8.30 மணியளவில் இடம்பெற்றுள்ளது.

இந்த நபரின் கத்தி வெட்டில் படுகாயமடைந்த பெண் திருக்கோவில் வைத்தியசாலையில் அனுமதிக்கப்பட்டு பின்னர்  மேலதிக
சிகிச்சைக்காக அக்கரைப்பற்று ஆதார வைத்தியசாலைக்கு மாற்றப்பட்டுள்ளார்.
 
கத்தி வெட்டுக்கு இலக்கான பெண்ணும் கத்தி வெட்டு மேற்கொண்ட நபரும் விநாயகபுரம் சின்னத்தோட்டத்தை சேர்ந்தவர்கள் ஆவர்.

கத்தி வெட்டுக்கு இலக்கான பெண் கூச்சலிட்டதைத் தொடர்ந்து அவ்விடத்திற்கு சென்ற பொதுமக்கள்  மர்ம மனிதன் அப்பெண்ணை தாக்கியுள்ளதாக நினைத்து  கத்தி வெட்டு மேற்கொண்ட நபரைப்  பிடித்துள்ளனர்.

இது தொடர்பான விசாரணைகளை திருக்கோவில் பொலிஸார் மேற்கொண்டு வருகின்றனர்.