திண்மக்கழிவு முகாமைத்துவ சேகரிப்பு நிலையத்தில் தீ விபத்து

(எஸ்.மாறன்)
அக்கரைப்பற்று ஆலிம்நகர் பிரதேசத்தில் திண்மக்கழிவு முகாமைத்துவ சேகரிப்பு நிலையத்தில் நேற்று புதன்கிழமை பிற்பகல் ஏற்பட்ட தீவிபத்தில் பல லட்சம் ரூபா பெறுமதியான பொருட்கள் எறிந்து சேதமாகியுள்ளன.

பொலிஸாரும் பொதுமக்களும் இணைந்து தீயை கட்டுப்பாட்டிற்குள் கொண்டு வந்துள்ளனர்.

இதனைத் தொடர்ந்து சம்பவ இடத்திற்கு விஜயம் செய்த அக்கரைப்பற்று பிரதேசபை தவிசாளர் எம்.ஏ.ராசீக், அக்ரைப்பற்று மாநகரசபை பிரதிமேயர் றிபிளம் றிசாம், அக்கரைப்பற்று பொலிஸ் நிலைய பொறுப்பதிகாரி எம்.ஜி.முகமட் ஆகியோர்  தீயை வேறு பகுதிகளுக்கு பரவாமல் தடுப்பதற்கான நடவடிக்கையை மேற்கொண்டனர்.

அக்கரைப்பற்று பிரதேச சபையினால் நிர்வகித்து வரப்படும் இவ் திண்மக்கழிவு முகாமைத்துவ சேகரிப்பு நிலையமானது யுனொப்ஸ் நிறுவனத்தின் நிதியொதுக்கீட்டினால் நிர்மானிக்கப்பட்டடமைக் குறிப்பிடத்தக்கது.

இத்தீவிபத்தினால் சுமார் 15 லட்சம் ரூபா பொருட்களுக்கு நஷ்டம் ஏற்பட்டுள்ளதாக தவிசாளர் எம்.ஏ.ராசீக் தெரிவித்தார்.