வாகன விபத்தில் இருவர் காயம்

(ஜவீந்திரா)
 
மட்டக்களப்பு கிரான்குளத்தில் இன்று அதிகாலை இடம்பெற்ற வாகன விபத்தில் இருவர் பலத்த காயங்களுக்குள்ளாகி வைத்தியசாலையில் அனுமதிக்கப்பட்டுள்ளனர்.

கெக்கிராவையிலிருந்து கோழிகளை ஏற்றிவந்த டிப்பர் ரக வாகனமும் கல்முனையிலிருந்து வந்த லொறியொன்றும் நேருக்கு நேர் மோதிக் கொண்டதில் இச்சம்பவம் இடம்பெற்றுள்ளது.

இவ்விபத்து சம்பவம் தொடர்பான விசாரணைகளை காத்தான்குடி பொலிஸார் மேற்கொண்டு வருகின்றனர்.