ரயில் விபத்தில் கல்முனையை சேர்ந்தவர் பலி

(அப்துல் அஸீஸ்)

கொழும்பு – 03 பம்பலப்பிட்டி நிமல் வீதி ஜும்ஆ பள்ளிவாசலுக்கு முன்னால் கடந்த திங்கட்கிழமை ரயிலில் மோதிய கல்முனையை சேர்ந்த நபர் இன்று சனிக்கிழமை அதிகாலை உயிரிழந்துள்ளார்.

கையடக்க தொலைபேசியில் உரையாடிய வண்ணம் பம்பலப்பிட்டி பிரதேசத்திலுள்ள ரயில் தண்டவாளத்தில் நடந்துகொண்டு சென்ற போதே இவர் ரயில் மோதியுள்ளார்.

இதனையடுத்து பல காயங்களுடன் களுபோவில போதனா வைத்தியசாலையின் அவரச சிகிச்சை பிரிவில் சுய நினைவின்றி அனுமதிக்கப்பட்ட நிலையிலேயே இன்று அதிகாலை உயிரிழந்துள்ளார்.

நாற்பது வயதான துறைமுக அதிகார சபை முன்னால் ஊத்தியோகத்தரான எம்.ஐ.றியாத் என்பவரே உயிரிழந்தவராவார்.

பிரேத பரிசோதனையையடுத்து உறவினர்களிடம் சடலம் ஒப்படைக்கப்பட்டுள்ள நிலையில் இவரின் ஜனாஸா நல்லடக்கம் நாளை ஞாயிற்றுக்கிழமை அதிகாலை கல்முனையில் நடைபெறவுள்ளது.

இது தொடர்பான மேலதிக விசாரணைகளை பம்பலப்பிட்டி மற்றும் களுபோவில பொலிஸார் மேற்கொண்டு வருகின்றனர்.