உலக சமாதானத்தை வலியுறுத்தி ஆத்மீக பாதயாத்திரை

(ஹனீக் அஹமட்)

உலக சமாதானத்தை வலியுறுத்தி துறைநீலாவணைப் பிரதேசத்தில் நேற்று ஞாயிற்றுக்கிழமை  ஆத்மீகப் பாதயாத்திரையொன்று இடம்பெற்றது.

இந்திய ஆத்மீக குருவும், வாழும் கலை அமைப்பின் நிறுவுநருமான ஸ்ரீஸ்ரீ ரவிசங்கரின் பிரதான சீடரான நெதர்லாந்து நாட்டினைச் சேர்ந்த அலக்ஸ் என்பவரின் தலைமையில் நடைபெற்ற இந்தப் பாதயாத்திரையில் நூற்றுக்கணக்கானோர் கலந்து கொண்டனர்.

இதன்போது, துறைநீலாவணை ஸ்ரீ தில்லையம்பலப் பிள்ளையார் ஆலயத்தில் பிரதான சீடர் அலக்ஸ் தலைமையில் பஜனை நிகழ்வொன்றும் இடம்பெற்றது. இதனைத் தொடர்ந்து உலக சமாதானத்தை வலியுறுத்தும் வகையில் பாத யாத்திரை ஆரம்பமானது.

துறைநீலாவணை ஸ்ரீ தில்லையம்பலப் பிள்ளையார் ஆலயத்திலிருந்து புறப்பட்ட பாதை யாத்திரையானது, பிரதான வீதி வழியாக கண்ணகியம்மன் ஆலயத்தினை வந்தடைந்தது.

இதன்போது, ஆத்மீக குரு அலக்ஸிடம் வீதிகளில் திரண்டிருந்த மக்கள் ஆசீர்வாதங்களைப் பெற்றுக் கொண்டனர்.