அம்பாறையில் பின்தங்கிய பாடசாலைகளை அபிவிருத்தி செய்வதற்கான நடவடிக்கை

(ஏ.ஜே.எம்.ஹனீபா)

அம்பாறை மாவட்டத்தின் கரையோரப் பிரதேசங்களிலுள்ள பின்தங்கிய பாடசாலைகளை அபிவிருத்தி செய்யும் நோக்குடன் அப்பாடசாலைகளின் தகவல்களைப் பெற்றுக்கொள்ளும் நடவடிக்கையை அம்பாறை மாவட்ட நாடாளுமன்ற உறுப்பினர் பீ.எச்.பியசேன மேற்கொண்டு வருகின்றார்.

இத்திட்டத்தின் கீழ் சம்மாந்துறை வலயக் கல்விப் பிரிவிற்குட்பட்ட ச/து-ஜமாலியா வித்தியாலயத்தின் குறைபாடுகளை கண்டறிவதற்காக நாடாளுமன்ற உறுப்பினர் பீ.எச்.பியசேன நேற்று ஞாயிற்றுக்கிழமை அப்பாடசாலைக்குச் சென்றார்.

அப்பாடசாலையில் நிலவும் குறைபாடுகள் தொடர்பில் பாடசாலையின் அபிவிருத்திச்சங்க பிரதிநிதிகள் நாடாளுமன்ற உறுப்பினர் பீ.எச்.பியசேனவிடம் எடுத்துக் கூறினர்.