திருக்கோவில் கடற்கரையில் சடலம் மீட்பு

(எஸ்.மாறன்)

மட்டக்களப்பு கூட்டுறவு சங்க பரிசோதகர் திருக்கோவில் பிரதேச கடற்கரையில் இன்று திங்கட்கிழமை காலை சடலமாக மீட்கப்பட்டுள்ளதாக திருக்கோவில் பொலிஸ் நிலைய பொறுப்பதிகாரி ஈ.பி.சமிந்த ஜெயசூரியா தெரிவித்தார்.

திருக்கோவில் பிரதேசத்தில் சுனாமி அனர்த்ததினால் கடந்த 2004ஆம் ஆண்டு உயிரிழ்த உறவினரின் 7ம் ஆண்டு நினைவு தினத்திற்காக திருக்கோவில் பிரதேசத்திற்கு குடும்பத்தினருடன் வந்துள்ளார்.

சம்பவ தினமான இன்று அதிகாலை 4.30 மணியளவில் மலசலம் கழிப்பதற்காக கடற்கரைக்கு சென்ற வரை நீண்ட நேரமாக காணவில்லை என உறவினர்கள் தேடிய போது கடற்கரையில் சடலமாக மீட்கப்பட்டுள்ளார்.

இவ்வாறு சடலமாக மீட்கப்பட்டவர் மட்டக்களப்பு கூட்டுறவு சங்க பரிசோதகரான திருக்கோவில் மத்திய மகா வித்தியாய வீதியைச் சேர்ந்த வேல்முருகு மகோந்திரராஜா (வயது – 51) என்பவராவார்.

இவருக்கு வலிப்பு நோய் இருப்பதாகவும் சம்பவத்தின் போது வலிப்பு ஏற்பட்டு கடலில்  மயங்கி வீழ்ந்தமையினால்  உயிரிழந்துள்ளதாக பொலிஸரின் ஆரம்ப விசாரணையில் தெரியவந்துள்ளதாக பொலிசார் தெரிவித்தனர்.

சடலம் பிரோத பரிசோதனைக்காக அக்கரைப்பற்று ஆதார வைத்தியசாலையில் வைக்கப்பட்டுள்ள நிலையில் இது தொடர்பான விசாரணைகளை திருக்கோவில் பொலிஸார் மேற்கொண்டு வருகின்றனர்.