சிவில் பாதுகாப்பு பிரதிநிதிகளுக்கான குழுக் கூட்டம்

(ஏ.ஜே.எம்.ஹனீபா)

கல்முனை தமிழ் பிரதேச செயலகப் பிரிவுக்குட்பட்ட சிவில் பாதுகாப்பு பிரதிநிதிகளுக்கான குழுக் கூட்டம்  கல்முனை தமிழ் பிரதேச செயலக கேட்போர் கூடத்தில் நேற்று புதன்கிழமை நடைபெற்றது.

கல்முனையில் இடம்பெறுகின்ற குற்றச்செயல்கள், அநாமதேய செயற்பாடுகள், சட்டவிரோத நடவடிக்கைகள் தொடர்பில் ஆராயப்பட்டு  அவற்றை இல்லாதொழிப்பதற்கான சட்ட நடவடிக்கைகள் மேற்கொள்வது தொடர்பிலும் தீர்மானங்கள் மேற்கொள்ளப்பட்டன.

பிரதேச செயலாளர் வீ.லவநாதன் தலைமையில் நடைபெற்ற இக்கூட்டத்தில் அம்பாறை மாவட்ட நாடாளுமன்ற உறுப்பினர் பீ.பியசேன பிரதம அதிதியாக கலந்துகொண்டார். கல்முனை மாநகர ஆணையாளர் ஜே.லியாகத் அலி, கல்முனை சிறிசுமத்திராம விஹாரையின் விஹாராதிபதி றன்முத்துகல சங்கரத்தின தேரோ, கல்முனை பொலிஸ் நிலையத்தின் பெருங்குற்றவியல் பிரிவு பொறுப்பதிகாரி எம்.ஐ.எம்.சதாத், சுகாதார வைத்திய அதிகாரி, ஏனைய துறைசார் அமைப்புக்களின் பிரதிநிதிகள், சிவில் பாதுகாப்புக்குழு பிரதிநிதிகள் கலந்து கொண்டனர்.