சட்டவிரோதமாக மாடுகளை கொண்டு சென்றவர் கைது

(எஸ்.மாறன்)

நாவிதன்வெளி, சவளைக்கடை பிரதேசத்தில் அனுமதிபத்திரமின்றி சட்டவிரோதமாக நான்கு மாடுகளை கொண்டு சென்றவரை நேற்று சனிக்கிழமை சவளைக்கடை பொலிஸார் கைது செய்துள்ளதுடன் மாடுகளையும் கைப்பற்றியுள்ளனர்.

பொலிஸாருக்கு கிடைத்த தகவலையடுத்து, வெல்லாவெளி பிரதேசத்திலிருந்து நற்பட்டிமுனை பிரதேசத்திற்கு கொண்டுவரப்பட்ட மாடுகளை சவளைக்கடை வாசிகசாலை சந்தியில் வைத்து கைப்பற்றியுள்ளனர்.

குறித்த சந்தேகநபர் இன்று ஞாயிற்றுக்கிழமை 10,000 ரூபா பொலிஸ் பிணையில் விடுதலை செய்யப்பட்டதுடன் எதிர்வரும் 3ம் திகதி செவ்வாய்ககிழமை கல்முனை நீதவான் நீதிமன்றத்தில் ஆயஜராகுமாறு உத்தரவிடப்பட்டுள்ளது.

இது தொடர்பான மேலதிக விசாரணைகளை சவளைக்கடை பொலிஸார் மேற்கொண்டு வருகின்றனர்.