பொத்துவிலில் சுருக்குவலை பயன்பாட்டால் கரையோர மீன்பிடி பாதிப்பு

(தாஜகான்)

பொத்துவில் கடற்பரப்பில் எல்லை நிர்ணயமின்றி சுருக்கு வலை பயன்படுத்துவதனால் கரையோர மீன்பிடி பாதிக்கப்படுவதாக காதிரிய்யா மீன்பிடி கூட்டுறவு சங்கத்தின் தலைவர் மீராமுகைதீன் தெரிவித்தார்.

1996ஆம் ஆண்டின் 2ஆம் இலக்க கடற்றொழில் நீரியல் வளங்கள் கட்டளைச்சட்டத்தின் கீழ் இலங்கை கடற்பரப்பினுள் வெளிச்ச கவர்ச்சியின்றி சுருக்கு வலை பயன்படுத்துவது  மைல் வரையான கடல் வலயத்தினுள் தடை செய்யப்பட்டுள்ளது.

இச்சட்டத்தை மீறி இப்போது பொத்துவில் கடற்பரப்பினுள்  சிலர் எல்லை மீறி 7 மைல்களுக்குட்பட்ட பகுதியில்  சுருக்கு வலை பயன்படுத்துவதனால் கரையோர மீன்பிடி பாதிப்படைந்துள்ளது.

இதுபற்றி சம்பந்தப்பட்டவர்களுக்கு பல முறையீடுகள் செய்தும் பயன் கிட்ட வில்லை. 1996ஆம் ஆண்டின் 2ம் இலக்க கடற்றொழில் நீரியல் வளங்கள் கட்டளைச்சட்டத்தின் பிரகாரம் எல்லை தெளிவாக இடப்பட்டால் இப்பிரச்சினையை தீர்க்க முடியும்' என்று அவர் மேலும் கூறினார்.