சாய்ந்தமருது ஒஸ்மான் வீதியில் வெடிபொருட்கள் மீட்பு

(எஸ்.மாறன்,எஸ்.எம்.எம்.றம்ஸான்)

சாய்ந்தமருது ஒஸ்மான்  வீதியில் உள்ள வெற்றுக் காணி ஒன்றில் புதைத்து வைக்கப்பட்டிருந்த நிலையில் வெடிபொருட்கள் சிலவற்றை இன்று திங்கட்கிழமை காலை மீட்டுள்ளதாக கல்முனை பொலிஸார் தெரிவித்தனர்.

பொலிஸாருக்கு கிடைத்த இரகசிய தகவலொன்றினைத் தொடர்ந்து குறித்தக் காணியில் பொலிஸார் தேடுதல் நடவடிக்கையை மேற்கொண்டுள்ளனர்.

இதன்போது, பொலித்தின் பையினால் சுற்றப்பட்ட நிலையில்; 84 எல் ரக துப்பாக்கி ரவைகள் 70, ரி.56 ரக துப்பாக்கி ரவைகள் 220, எஸ்.பி வெடிமருந்து ஒன்று என்பன மீட்கப்பட்டுள்ளன.

இது தொடர்பான விசாரணைகளை கல்முனை பொலிஸார் மேற்கொண்டு வருகின்றனர்.