சேனைக்குடியிருப்பில் முதல் மருத்துவ மாணவனுக்கு பாராட்டு

(ரி.லோஹித்)

அம்பாறை மாவட்டத்தின் சேனைக்குடியிருப்பிலிருந்து முதன்முறையாக மருத்துவ பீடத்திற்கு தெரிவு செய்யப்பட்ட மாணவனான சத்தியநாதன்  கிருஷாந்தை பாராட்டும் நிகழ்வு சேனைக்குடியிருப்பு வின்னர் விளையாட்டுக் கழகம் மற்றும் சேனைக்குடியிருப்பு மகளிர் பொருளாதார சமூக அபிவிருத்தி அமைப்பு ஆகியவற்றின் அனுசரணையுடன் சேனைக்குடியிருப்பு கணேச மஹாவித்யாலயத்தில்  அண்மையில் நடைபெற்றது.

இந்நிகழ்வில் கிழக்கு மாகாண கால்நடை மற்றும் மீன்பிடி விவசாயத்துறை அமைச்சர் துரையப்பா நவரத்னராஜா பிரதம அதிதியாக கலந்துகொண்டார்.

ஆலையடிவேம்பு பிரதேச செயலாளர் ஜெகதீசன், கல்முனை பிரதேச செயலாளர் லவநாதன், கல்முனை கார்மேல் பற்றிமா கல்லூரி அதிபர் அருட்சகோதரர் ஸ்ரீபன் மத்தியூ உள்ளிட்ட அதிதிகளும் இந்நிகழ்வில் கலந்து கொண்டனர்.

நிகழ்வில் பிரதம அதிதியாகக் கலந்துகொண்ட அமைச்சர் துரையப்பா நவரத்னராஜா மாணவனுக்கு  நினைவுச்சின்னம் வழங்கியதுடன்;,  கல்லூரியின் அதிபர் வாழ்த்துப்பா ஒன்றினையும்  வழங்கினார்.

2011ஆம் ஆண்டுக்கான புலமைப் பரிசில் பரீட்சையில் சித்தியடைந்த மாணவர்களும் இதன்போது கௌரவிக்கபட்டனர். புலமைப்பரிசில் பரீட்டையில் 173 புள்ளிகளைப் பெற்ற சத்தியநாதன் ரக்;ஷனாவும் நினைவுச்சின்னம் வழங்கி கௌரவிக்கப்பட்டார்.