சாய்ந்தமருது அல் ஜலால் வித்தியாலயத்தில் நடமாடும் சேவை

(எஸ்.எம்.எம்.றம்ஸான்)

சாய்ந்தமருது அல் ஜலால் வித்தியாலயத்தில் பொதுமக்கள் நடமாடும் சேவையொன்றினை நேற்று சனிக்கிழமை ஒழுங்கு செய்யப்பட்டிருந்தது.

கல்முனை பொலிஸ் நிலைய உதவி பொலிஸ் பரிசோதகர் பீ.டபிள்யு.டி.டி.ஆரியரெட்ண தலைமையில் இடம்பெற்ற மேற்படி நிகழ்வில், சாய்ந்தமருது பிரதேச செயலாளர் ஏ.எல்.எம்.சலீம், கல்முனை பௌத்த விகாரையின் விகாராதிபதி ரண்முத்துக்கல தேரர் மற்றும் பாடசாலை அதிபர் எஸ்.எம்.நபார் ஆகியோர் கலந்துகொண்டனர்.

இதன்போது, தேசிய அடையாள அட்டை, சாரதி அனுமதிப்பத்திரம், கடவுச்சீட்டு, திருமண பதிவு உள்ளிட்ட பல விடயங்களில் இலவசமாக செய்துகொடுக்கப்பட்டதுடன், சாய்ந்தமருது அல் ஜலால் வித்தியாலயத்தில் கல்வித்துறையில் திறமைகளை வெளிப்படுத்திய மாணவர்களுக்கு பரிசில்களும் சாய்ந்தமருது பிரதேச வீட்டுத் தோட்ட முயற்சியாளர்களுக்கு மரக்கன்றுகளும் வழங்கப்பட்டன.