வைத்தியசாலை சிற்றூழிய மேற்பார்வையாளரை தாக்கியோர் பிணையில் விடுதலை

(அப்துல் அஸீஸ்)

கல்முனை அஷ்ரப் ஞாபகார்த்த வைத்தியசாலையின் சிற்றூழிய  மேற்பார்வையாளரை தாக்கிய மூன்று சந்தேக நபர்கள் இன்று திங்கட்கிழமை பிணையில் விடுதலை செய்யப்படுள்ளனர்.

குறித்த மூன்று சந்தேக நபர்களையும் இன்று கைது செய்த கல்முனை பொலிஸார் நீதவான் நீதிமன்றத்தில் ஆஜர்ப்படுத்தினர்.

குறித்த மூன்று சந்தேக நபர்களையும் தலா 25,000 ரூபா காசு பிணையிலும் தலா ஒரு இலட்சம் பெறுமதியான இரண்டு ஆட் பிணையிலும் விடுதலை செய்யப்பட்டதுடன் பிரதி வெள்ளி மற்றும் ஞாயிறு ஆகிய  தினங்களில் கல்முனை பொலிஸ் நிலையத்தில் ஒப்பமிடுமாறும் நீதவான் உத்தரவிட்டார்.

கல்முனை அஷ்ரப் ஞாபகார்த்த வைத்தியசாலையின் சிற்றூழிய மேற்பார்வையாளரொருவர் கடந்த வாரம் ஒரு குழுவினரால் தாக்கப்பட்டார்.

இதற்கு எதிர்ப்பு தெரிவிக்கும் முகமாக கல்முனை அஷ்ரப் ஞாபகார்த்த வைத்தியசாலையின் சிற்றூழியர்கள் கடந்த சனிக்கிழமை பணிப்பகிஷ்கரிப்பில் ஈடுபட்டனர்.