வெற்றுக்காணியிலிருந்து ஆயுதங்கள் மீட்பு

(எஸ்.மாறன்)

அம்பாறை, திருக்கோவில் பொலிஸ் பிரிவின் கீழுள்ள தம்பிலுவில் பிரதேசத்திலுள்ள வெற்றுக்காணியொன்றில் மறைத்து வைக்கப்பட்ட ஆயுதங்கள் சில நேற்று செவ்வாய்க்கிழமை மாலை மீட்கப்பட்டதாக அம்பாறை விசேட பொலிஸ் பிரிவு
பொலிஸார் தெரிவித்தனர்.

இது தொடர்பில் அம்பாறை விசேட பொலிஸ் பிரிவு பொலிஸாருக்கு கிடைத்த தகவலையடுத்து,  தம்பிலுவில் பிரதேசத்திற்குச் சென்று  பொலிஸார் மேற்கொண்ட சோதனை நடவடிக்கையின்போது இந்த ஆயுதங்கள் மீட்கப்பட்டன.

தம்பிலுவில் மயானப் பிரதேசத்திற்கு அருகிலுள்ள வெற்றுக்காணியிலுள்ள கிணற்றுக்கு அருகில்  பொலித்தினால் சுற்றி  மறைத்து வைக்கப்பட்ட ரி - 56 ரக துப்பாக்கியொன்றும் அதற்கான 69 ரவைகள்,  4  மகசீன்கள் மீட்கப்பட்டன.

இது தொடர்பான விசாரணை அம்பாறை உதவி பொலிஸ் அத்தியட்சகர் ரணகல பிரேமலால் தலைமையில் மேற்கொள்ளப்பட்டு வருகின்றது.