உள்ளூர் துப்பாக்கி தயாரிப்பு நிலையத்தை நடத்திய இருவருக்கு விளக்கமறியல்

(எஸ்.மாறன்)

அம்பாறை மாவட்டத்தின் பொத்துவில் ஹிதாயாபுர பிரதேசத்தில்  உள்ளூர் துப்பாக்கி தயாரிப்பு நிலையம் ஒன்றை நடத்தி வந்ததாகத் தெரிவிக்கப்படும் இருவரை  14 நாட்களுக்கு விளக்கமறியலில் வைக்குமாறு பொத்துவில் மாவட்ட நீதவான் நீதிமன்ற நீதிபதி ஜ.என்.றிஸ்வான்  நேற்றுமுன்தினம் ஞாயிற்றுக்கிழமை உத்தரவிட்டார்.

அறுகம்பை விசேட அதிரடிப்படையினருக்கு கிடைத்த தகவலை அடுத்து, அத்துப்பாக்கி தயாரிப்பு நிலையத்தை விசேட அதிரடிப்படையினர் சனிக்கிழமை சுற்றிவளைத்து தேடுதல் நடத்தினர். இதன்போது  துப்பாக்கி தயாரிப்பில் ஈடுபட்டதாகத் தெரிவிக்கப்படும் இருவர்  கைதுசெய்யப்பட்டதுடன்,  துப்பாக்கி உதிரிப்பாகங்களும்  கைப்பற்றப்பட்டன.

கைதுசெய்யப்பட்ட இருவரும் பொத்துவில் பொலிஸாரிடம் விசேட அதிரடிப்படையினரால் ஒப்படைக்கப்பட்ட நிலையில்,  நீதிமன்றத்தில் ஆஜர்படுத்தப்பட்டனர். இதன்போதே இவர்களை 14 நாட்களுக்கு விளக்கமறியலில் வைக்குமாறு பொத்துவில் மாவட்ட நீதவான் நீதிமன்றத்தில் நீதிபதி ஜ.என்.றிஸ்வான் உத்தரவிட்டார்.