காணாமல் போன சிறுவன் மீட்பு

-ஐ.ஏ.ஸிறாஜ்

அம்பாறை, அக்கரைப்பற்று 6ஆம் பிரிவில் காணாமல் போனதாக கூறப்படும் சப்றின் எனும் 7 வயது மதிக்கத்தக்க சிறுவன் ஞாயிற்றுக்கிழமை (22) இரவு 11 மணியளவில் பாலமுனையிலிருந்து மீட்கப்பட்டு பொலிஸாரிடம் ஒப்படைக்கப்பட்டுள்ளார்.

இச்சம்பவம் தொடர்பாக மேலும் தெரியவருவதாவது,

மேற்படி சிறுவன் ஞாயிற்றுக்கிழமை(22) தனது வீட்டுக்கு அருகில் விளையாடிகொண்டிருந்த நிலையில் திடீரென காணாமல் போயுள்ளார்.

சிறுவனை காணாவில்லை என அக்கரைப்பற்று பிரதேசத்திலுள்ள சகல பள்ளிவாசல்களிலும் அறிவிக்கப்பட்டதுடன் அக்கறைப்பற்று பொலிஸிலும் முறையிடப்பட்டது. சிறுவனை தேடும் பணியில் பொலிஸார் மற்றும் பொதுமக்கள் ஈடுபட்டு வந்தனர்.

இந்நிலையில், சிறுவன் ஒருவன் பாலமுனை பிரதான வீதியிலுள்ள தேனீர் கடைக்கு அருகில், நள்ளிரவு வேளையில் தனியாக உலாவிக் கொண்டிருப்பதாக அப்பிரதேச மக்கள் அக்கரைப்பற்று பொலிஸாருக்கு தகவல் வழங்கினர்.

ஸ்தலத்துக்கு விரைந்த பொலிஸார் பொதுமக்களின் உதவியுடன் அச்சிறுவனை மீட்டு பொலிஸ் நிலையத்துக்கு அழைத்துச் சென்றதுடன் விசாரணையின் பின்னர் பெற்றோரிடம் ஒப்படைத்தனர்.