சட்டவிரோதமாக மறைத்து வைக்கப்பட்டிருந்த துப்பாக்கி மீட்பு

-கனகராசா சரவணன்

அம்பாறை, அக்கரைப்பற்று அம்பாறை வீதி 3ஆம் கட்டை வயல் பிரதேசத்தில் சட்டவிரோதமான முறையில் மறைத்து வைக்கப்பட்டிருந்த  துப்பாக்கி ஒன்றை வெள்ளிக்கிழமை (06) மீட்டுள்ளதாக அக்கரைப்பற்று பொலிஸ் நிலைய பொறுப்பதிகாரி ஏ.எல்.எம் ஜெமில் தெரிவித்தார்.

பொலிஸாருக்கு கிடைத்த தகவலையடுத்து, குறித்த வயல் பிரதேசத்தில்; மேற்கொள்ளப்பட்ட சோதனையின் போதே பை ஒன்றில் மறைத்து வைக்கப்பட்டிருந்த நிலையில் துப்பாக்கியை பொலிஸார் மீட்டுள்ளனர்.

இச்சம்பவம் தொடர்பான மேலதிக விசாரணைகளை அக்கரைப்பற்று பொலிஸார் மேற்கொண்டு வருகின்றனர்.