அக்கரைப்பற்று- அளிக்கம்பைக்கான புதிய பஸ் சேவை ஆரம்பம்

-ரீ.கே.றஹ்மத்துல்லா

அக்கரைப்பற்று சாலையின் அக்கரைப்பற்று- அளிக்கம்பைக்கான புதிய பஸ் சேவையை நீர்ப்பாசன மற்றும் விவசாய பிரதி அமைச்சர் அனோமா கமகே, இன்று சனிக்கிழமை(07) ஆரம்பித்து வைத்தார்.

ஆலையடிவேம்பு பிரதேச செயலாளர் பிரிவிற்குட்பட்ட அளிக்கம்பை கிராமமானது வனக்குறவர்கள் வாழ்ந்து வரும் மிகவும் பழமை வாய்ந்ததொரு கிராமமாகும்.

இங்கு சுமார் 250 வனக்குறவர் குடும்பங்கள் வாழ்ந்து வருவதுடன் ஆலையடிவேம்பு மற்றும் அக்கரைப்பற்று பிரதேசங்களைச் சேர்ந்தவர்களின் ஆயிரக்கணக்கான விவசாயக்காணிகளும் அமைப்பெற்றுள்ளது.

இக்கிராமத்துக்கான பஸ் போக்குவரத்து இன்மையால் இப்பிரதேச மக்கள், விவசாயிகள் மற்றும் மாணவர்கள் மிக நீண்ட காலமாக எதிர்நோக்கி வந்த போக்குவரத்துப் பிரச்சினைக்கான தீர்வு எட்டப்பட்டுள்ளது.