போஷாக்கு உணவுப் பொதிகள் வழங்கி வைப்பு

-எஸ்.எல்.அப்துல் அஸீஸ்

கல்முனை பிரதேச செயலகத்தினால் ஏற்பாடு செய்யப்பட்ட கர்ப்பிணிகள மற்றும் பாலூட்டும் தாய்மார்களுக்கான 20,000ஆயிரம் ரூபாய் பெறுமதியான போஷாக்கு உணவுப் பொதிகள் வழங்கும் பிரதான நிகழ்வு புதன்கிழமை(29) கல்முனை தெற்கு சுகாதார வைத்திய அதிகாரி அலுவலகத்தில் இடம்பெற்றது.  

சுகாதார வைத்திய அதிகாரி டாக்டர் கே.எல்.எம்.ரயீஸ் தலைமையில் இடம்பெற்ற இந்நிகழ்வில் மாகாண சுகாதார சேவைகள் பணிப்பாளர் ஏ.இஸ்ஸதீன்,  பிரதேச செயலக பிரதி திட்டமிடல் பணிப்பாளர்  ரீ.மோகனகுமார், தாய்,சேய் வைத்திய அதிகாரி டாக்டர்.எம்.ஏ.சி.எம்.பஸால்,  சிரேஷ்ட அபிவிருத்தி உத்தியோகத்தர் ஏ.பி.எம்.அஸ்ஹர், மேற்பார்வை பொது சுகாதாரப் பரிசோதகர் எம்.என்.எம்.பைலான் உட்பட பலர் கலந்துகொண்டனர்.