விபத்தில் ஒருவர் மரணம்

-வி.சுகிர்தகுமார், ரீ.கே.றஹ்மத்துல்லா,எஸ்.ஜமால்டீன்

அக்கரைப்பற்று பொலிஸ் பிரிவுக்குட்பட்ட ஆலையடிவேம்பு பிரதேசத்தில்  புதன்கிழமை (15) மாலை உழவு இயந்திரம் சைக்கிளில் சென்றவர் மீது மோதியதால் சின்னப்பனங்காடு பிரதேசத்தை இ.பத்மன் (வயது 58) மரணமடைந்துள்ளதாக அக்கரைப்பற்று பொலிஸார் தெரிவித்தனர்.   

சாகாமம் பிரதேசத்திலிருந்து அக்கரைப்பற்று நோக்கி நெல் மூடைகளுடன் சென்றுகொண்டிருந்த உழவு இயந்திரம்,  வீதியின் அருகில் சைக்கிளில்  சென்றவர் மீது படவே அவர் சடுதியாக கீழே விழுந்துள்ளார். விழுந்தவர் மீது உழவு இயந்திர பெட்டியின் பின்பகுதி சில்லு ஏறியதால்  சைக்கிளில்  சென்றவர் படுகாயமடைந்து வைத்தியசாலைக்கு கொண்டு சென்றபோதும் அவர் உயிரிழந்துள்ளார்.

இந்த விபத்தை தொடர்ந்து  உழவு இயந்திரத்தின் சாரதியை பொலிஸார் கைதுசெய்துள்ளனர்.