19 வயதான மாணவியின் சடலம் மீட்பு

அம்பாறை, கல்முனைப் பொலிஸ் பிரிவிலுள்ள நீலாவணையில் 19 வயதான மாணவியொருவரின் சடலம், சனிக்கிழமை(18) மீட்கப்பட்டுள்ளதாக கல்முனைப் பொலிஸார் தெரிவித்தனர்.

கல்விப் பொதுத் தராதரப் பத்திர உயர் தரம் கற்கும் 19 வயதான மாணவியொருவரே சடலமாக மீட்கப்பட்டுள்ளார்.

நீலாவணையிலுள்ள அவரது உறவினர் வீட்டிலிருந்து குறித்த மாணவி சடலமாக மீட்கப்பட்டுள்ளதாக தெரிவித்த பொலிஸார், சடலம் தற்போது கல்முனை ஆதார வைத்தியசாலையில் பிரேத பரிசோதனைக்காக கொண்டுவரப்பட்டுள்ளதாக தெரிவித்தனர்.

இச்சம்பவம் தொடர்பில் கல்முனைப் பொலிஸார் விசாரணைகளில் ஈடுபட்டுள்ளனர்.