அறுதிப் பெரும்பான்மையுடன் ஐ.ம.சு.கூ ஆட்சி அமைக்கும்: அதாவுல்லா

-எம்.எஸ்.எம்.ஹனீபா

எதிர்வரும் பொதுத்தேர்தலில் ஐக்கிய மக்கள் சுதந்திரக் கூட்டமைப்பு அறுதிப் பெரும்பான்மையுடன் ஆட்சி அமைக்கும் என்று  தேசிய காங்கிரஸின் தலைவரும் ஜக்கிய மக்கள் சுதந்திர கூட்டமைப்பின் அம்பாறை மாவட்ட தலைமை வேட்பாளருமான ஏ.எல்.எம்.அதாவுல்லா தெரிவித்தார்.

ஐக்கிய மக்கள் சுதந்திரக் கூட்டடைப்பின் அம்பாறை மாவட்ட தேர்தல் காரியாலயம் அட்டாளைச்சேனையில் நேற்று  (23) வியாழக்கிழமை திறந்துவைக்கப்பட்டது. இதில் உரையாற்றகையிலேயே மேற்கண்டவாறு கூறினார்.

இங்கு தொடர்ந்து உரையாற்றிய அவர்,  'ஐக்கிய மக்கள் சுதந்திரக் கூட்டமைப்பும் தேசிய காங்கிரஸும் வியூகங்களை வகுத்து இத்தேர்தலில் போட்டியிடுகின்றன. ஐக்கிய மக்கள் சுதந்திரக் கூட்டமைப்பு சகல மாவட்டங்களிளும் வெற்றி பெறும்.
ஐக்கிய மக்கள் சுதந்திரக் கூட்டமைப்பு ஒருபோதும் தேர்தல்களில் தோற்ற வரலாறே கிடையாது.ஐக்கிய தேசியக் கட்சி நாட்டில் நடைபெற்ற 15 இற்கும்  மேற்பட்ட தேர்தல்களில் தோல்வியை தழுவியுள்ளது.

என்றுமில்லாதவாறு இம்முறை அகில இலங்கை மக்கள் காங்கிரஸ் முஸ்லிம் காங்கிரஸூடன் போட்டி போட்டு தமது வேட்பாளர்களை தேர்தல் களத்தில் இறக்கியுள்ளது. இவை ஒருபோதும் ஐக்கிய மக்கள் சுதந்திரக் கூட்டமைப்புக்கு தேசிய காங்கிரஸூக்கோ பாதிப்பை ஏற்படுத்தாது' என்றார்.