துண்டு பிரசுரங்களை விநியோகித்தவர் கைது

-ஏ.எஸ்.எம்.முஜாஹித்

சவளக்கடை பொலிஸ் பிரிவில் தேர்தல் சட்டங்களை மீறி துண்டு பிரசுரங்களை விநியோகித்த ஒருவரை இன்று வெள்ளிக்கிழமை சவளக்கடை பொலிஸார்  கைது செய்துள்ளனர்.

சளம்பைக்கேணி, 5ஆம் கொளனியை சேந்த நபரே இவ்வாறு கைது செய்யப்பட்டுள்ளதாக பொலிஸார் தெரிவித்தனர்.

குறித்த நபர் ஜூம்மா தொழுகைக்கு பின்னர் சவளக்கடை அர்-ரகுமான் ஜூம்மா பள்ளிவாசலுக்கு முன்பாக ஐக்கிய தேசிய முன்னணியின் திகாமடுல்ல மாவட்ட வேட்பாளர்கள் அடங்கிய துண்டு பிரசுரங்களை விநியோகித்தபோதே கைது செய்யப்பட்டுள்ளார்.
 

கைது செய்யப்பட்ட நபரை கல்முனை நீதவான் நீதிமன்றத்தில் ஆஜர்படுத்த நடவடிக்கை மேற்கொண்டு வருவதாக பொலிஸார் மேலும் தெரிவித்தனர்.