கழிவறையை அர்ச்சகரைக் கொண்டு சுத்தம் செய்த அதிகாரி

தங்கவயல் :

பங்காரு திருப்பதி கோவில் கழிவறையை, அர்ச்சகரை வைத்துச் சுத்தம் செய்த அதிகாரி மீது தாலுகா அர்ச்சகர்கள் சங்க தலைவர் மஞ்சுநாத் தீக் ஷித் புகார் செய்துள்ளார்.

இதுகுறித்து அவர் கூறியுள்ளதாவது: 

இக்கோவிலில் செயல் அதிகாரியாக சுப்ரமணியம், மூன்றரை ஆண்டுகளாக பதவி வகித்து வருகிறார்.கோவில் அர்ச்சகரொருவரை, 'கழிப்பறையை துப்புரவு செய்ய வேண்டும். அப்படி செய்தால்தான் சம்பளம். இல்லையேல் வேலையும் இல்லை. சம்பளமும் இல்லை' என அந்த அதிகாரி கூறி உள்ளார். இது குறித்து, தாலுகா அர்ச்சகர்கள் சங்கம், அர்ச்சகர்களை மிகவும் கொடுமைப்படுத்தும் சம்பவத்தை புகைப்பட ஆதாரங்களுடன் அரசாங்கத்துக்கு முறைப்பாடு  செய்துள்ளனர்.இதன் மீது முறையான விசாரணை நடத்தி நியாயம் வழங்க வேண்டும், என்று ஹிந்து அறநிலையத்துறை ஆணையர் ரோகிணி சிந்துாரிக்கு தெரிய படுத்தியுள்ளோம் எனத் தெரிவித்துள்ளனர்.