தமிழகத்தில் 53.35% வாக்குப்பதிவு

சென்னை

தமிழகத்தில் 3 மணி நிலவரப்படி 53.35% வாக்குகள் பதிவாகியுள்ளன. அதிகப்பட்சமாக நாமக்கல்லில் 59.73 சதவீத வாக்குகளும்  குறைந்தபட்சமாக நெல்லையில் 41.58 சதவீத வாக்குகளும் பதிவாகியுள்ளன என்று தமிழக தலைமைத் தேர்தல் அதிகாரி சத்யபிரதா சாஹு தெரிவித்தார்.

இது தொடர்பாக சென்னையில் இன்று அவர் செய்தியாளர்களிடம் கூறியதாவது:
“தமிழகம் முழுவதும் அமைதியாக வாக்குப்பதிவு நடந்து வருகிறது. பெரிதாக சட்டம்- ஒழுங்கு பிரச்சினை இல்லை.    வாக்குப்பதிவு சுமுகமாக நடக்கிறது.

தமிழகத்தில் 3 மணி நிலவரப்படி 53.35% வாக்குகள் பதிவாகியுள்ளன. அதிகபட்சமாக நாமக்கல்லில் 59.73 சதவீத வாக்குகளும், குறைந்தபட்சமாக நெல்லையில் 41.58 சதவீத வாக்குகளும் பதிவாகியுள்ளன

உதயநிதி ஸ்டாலின் மீதான புகார் குறித்து அறிக்கை கேட்டுள்ளோம். அடுத்து முடிவு செய்வோம். மாலை 6 மணிக்கு மேல் வாக்காளர்கள் எண்ணிக்கை அதிகம் இருந்தால் டோக்கன் அளித்து வாக்களிக்க வைப்போம். அதன் பின்னர் கடைசியில் கொரோனா வைரஸ் பாதித்த வாக்காளர் வாக்களிக்க வைக்கப்படுவார்கள். பிபிஇ கிட் அணிந்து வரலாம், அல்லது இங்கு தருவோம்”.இவ்வாறு சத்யபிரதா சாஹு தெரிவித்தார்.