அனைத்து இறக்குமதிகளுக்கும் 10 சதவீத வரியை அறிவித்த ட்ரம்ப்

ஐக்கிய அமெரிக்காவுக்கு இறக்குமதி செய்யப்படும் பெரும்பாலான பொருட்களுக்கு குறைந்தது 10 சதவீத வரியொன்றை அந்நாட்டு ஜனாதிபதி டொனால்ட் ட்ரம்ப் வியாழக்கிழமை (03) வெளிப்படுத்தியுள்ளார்.

இந்நிலையில் முன்னர் ஜனாதிபதி ட்ரம்ப் விதித்த 20 சதவீதத்துக்கு மேலதிகமாக சீன இறக்குமதிகளுக்கு 34 சதவீத வரி விதிக்கப்பட்டுள்ள நிலையில் புதிதாக மொத்தமாக 54 சதவீத வரி விதிக்கப்படவுள்ளது.

ஐரோப்பிய ஒன்றியமானது 20 சதவீத வரியை எதிர்கொள்வதுடன், ஜப்பானுக்கு 24 சதவீதமும், தென்கொரியாவுக்கு 25 சதவீதமும் வரி விதிக்கப்படவுள்ளது.

அடிப்படை வரி வீதங்கள் சனிக்கிழமை (05) முதல் நடைமுறைக்கு வருவதுடன், உயர் பதிலடியான வீதங்கள் புதன்கிழமை (09) முதல் நடைமுறைக்கு வரவுள்ளது.