ஆப்கான் பொருளாதாரத்தை தலைகீழாக்கிய தலிபான்கள்

ஆப்கானிஸ்தானை தலிபான்கள் கைப்பற்றிய பின்னர், பொருளாதாரம் தொடர்ந்து சரிவை சந்தித்து வருகிறது என்றும் பொருளாதாரம் தலைகீழாக மாறியுள்ளது என்றும் ஐக்கிய நாடுகளின் அபிவிருத்தித் திட்ட அறிக்கை சுட்டிக்காட்டுகிறது.

தலிபான்களின் கட்டுப்பாட்டுக்கு வந்த பின்னர், ஆப்கானிஸ்தான் பொருளாதாரம் சுமார் 5 பில்லியன் அமெரிக்க டொலர்களை இழந்துள்ளதாக காமா பிரஸ் தெரிவித்துள்ளது.

மேலும், தலிபான்கள் ஆப்கானிய மண்ணைக் கட்டுப்பாட்டுக்குள் கொண்டுவருவதற்கு முன், மொத்த உள்நாட்டு உற்பத்தி 20 பில்லியன் அமெரிக்க டொலர்களை மட்டுமே கொண்டிருந்தது என்றும் காமா பிரஸ் தெரிவித்துள்ளது.

பெண்கள் வேலை செய்வதைத் தடை செய்வதால் 1 பில்லியன் அமெரிக்க டொலர்கள் வரை அல்லது நாட்டின் மொத்த உள்நாட்டு உற்பத்தியில் 5 சதவீதம் வரை இழப்பு ஏற்படும் என்று குறிப்பிடப்பட்டுள்ளது. 

தலிபான் கையகப்படுத்தப்பட்ட 10 மாதங்களில் ஆப்கானிஸ்தானில் நிலவும் மனித உரிமைகள் நிலைமையை முன்னர் ஐ.நா. தூதுக்குழு அறிக்கையொன்றில் கோடிட்டுக் காட்டியிருந்தது.

இந்த அறிக்கை தலிபான்களின் மனித உரிமை மீறல்களின் அம்சங்களை எடுத்துக்காட்டினாலும், இந்த அறிக்கையில் பிரதிபலிக்கும் மீறல்கள் மற்றும் துஷ்பிரயோகங்களின் எண்ணிக்கையையும், கடந்த ஆண்டு ஓகஸ்ட் மாதத்திலிருந்து மனித உரிமைகள் நிலைமை மோசமடைந்ததன் முழு நோக்கத்தையும் முழுமையாக பிரதிபலிக்கவில்லை குழு குறிப்பிட்டது.

ஆப்கானிஸ்தானின் சர்வதேச கடமைகளுக்கு ஏற்ப, மனித உரிமை மீறல்களைத் தடுப்பதிலும், பொறுப்புக்கூறலை உறுதி செய்வதிலும் ஐக்கிய நாடுகளின் பாதுகாப்பு சபை மற்றும் சர்வதேச குற்றவியல் நீதிமன்றம் ஆகியவை குறிப்பிடத்தக்க பங்கைக் கொண்டுள்ளன என்று ஐ.நா தூதுக்குழு மேலும் தெரிவித்தது.

2021ஆம் ஆண்டு ஓகஸ்ட் 15 முதல் 2022ஆம் ஆண்டு ஜூன் 15 வரையிலான காலப்பகுதியை உள்ளடக்கிய ஆப்கானிஸ்தானில் மனித உரிமைகள் நிலையை சமீபத்திய அறிக்கை காட்டுகிறது.

போரினால் பாதிக்கப்பட்ட நாட்டில் தொடர்ந்து நடைபெறும் மனித உரிமைகளுக்கான உயர் ஸ்தானிகரின் முந்தைய கண்டுபிடிப்புகளுக்கு ஏற்ப, தலிபான்களால் மனித உரிமை மீறல்களின் குழப்பமான மற்றும் நிலையான வடிவத்தையும் அறிக்கை வெளிப்படுத்தியது.