இறுதி முறைப்பாடு தோல்வி: சிறைத்தண்டனையை ஆரம்பித்த முன்னாள் பிரதமர்

தனது 12 ஆண்டு சிறைத்தண்டனை ஒன்றை ஆரம்பிப்பதற்காக சிறைச்சாலைக்கு மலேஷியாவின் முன்னாள் பிரதமர் நஜிப் ரஸாக் அனுப்பப்பட்டுள்ளார்.

ரஸாக்கின் மேன்முறையீட்டை உச்ச நீதிமன்றம் நிராகரித்ததைத் தொடர்ந்தே இந்நிலைமை ஏற்பட்டுள்ளது.

அரச நிதி மய்யமான 1 மலேஷியா அபிவிருத்தி நிதியுடன் தொடர்புடைய மோசடியொன்றிலேயே குற்றச்சாட்டுக்களை ரஸாக் எதிர்நோக்கியிருந்தார்.

கடந்த 2020ஆம் ஆண்டு ஜூலை மாதமே ரஸாக் குற்றஞ்சாட்டப்பட்டபோதும் மேன்முறையிட்டீன்போது பிணையில் வெளிவந்திருந்தார்.

இதேவேளை, தனது தண்டனையை தாமதப்படுத்துமாறான ரஸாக்கின் கோரிக்கையையும் நீதிமன்றம் நிராகரித்திருந்தது.

சிறைத்தண்டனைக்கு மேலதிகமாக 210 மில்லியன் ரிங்கிட் அபராதமும் விதிக்கப்பட்டிருந்தது.