சீன அதிபர் சீ ஜின்பிங்கிற்கு மூளையில் பாதிப்பு?

சீன  ஜனாதிபதி சீ ஜின்பிங்கின் (Xi-Jinping)உடல் நிலைகுறித்து வெளியான செய்தியொன்று உலகளவில் பெரும் பரபரப்பை ஏற்படுத்தியுள்ளது. உலகளவில் பெரும் சக்தி வாய்ந்த தலைவராக அறியப்படுபவர் சீன ஜனாதிபதி சி ஜின்பிங்.

இவர் கடந்த 2013 ஆம் ஆம் ஆண்டு முதல் அந்நாட்டின்   ஜனாதிபதியாகப்  பதவி வகித்து வருகிறார்.
இந்நிலையில், கடந்தாண்டு இறுதியில் அவருடைய சிறுமூளையில் உள்ள ரத்த நாளங்களில் பாதிப்பு ஏற்பட்டு, மருத்துவமனையில் சேர்க்கப்பட்டதாக தற்போது செய்திகள் வெளியாகி உள்ளன.

இதற்கு அறுவை சிகிச்சை மேற்கொள்ளாமல், சீன பாரம்பரிய  மருத்துவ முறைகளின்படி அவர் சிகிச்சை பெற்று வருவதாகவும் செய்திகள் தெரிவிக்கின்றன.

சீனாவில் விரைவில் பொதுத்தேர்தல் நடைபெற உள்ள நிலையில் கொரோனாப் பரவல் காரணமாக சீனாவின் பொருளாதாரம் வீழ்ச்சியைச்  சந்தித்துள்ளதால்  அவர் 3ஆவது முறையாக ஜனாதிபதி பதவியைக்  கைப்பற்றுவதில்  கடும் சவாலை எதிர்கொள்ள வாய்ப்புள்ளதாகத் தெரிவிக்கப்பட்டுள்ளமை குறிப்பிடத்தக்கது.