திருநங்கைகளுக்கு எதிராக அதிகரிக்கும் தாக்குதல்கள்

பாகிஸ்தானில் அண்மைக் காலமாக திருநங்கைகளுக்கு எதிரான வன்முறைச் சம்பவங்கள் அதிகரித்து வருவதாகத் தெரிவிக்கப்பட்டுள்ளது. 

பாகிஸ்தானில்  சுமார் 10,418  திருநங்கைகள் வசித்து வரும் நிலையில் அவர்களுக்கு எதிராக நடைபெறும் வன்முறைகள் குறித்து அண்மையில் அறிக்கையொன்று வெளியிடப்பட்டுள்ளது. 

குறித்த அறிக்கையில் ” பாகிஸ்தானில்  திருநங்கைகளுக்கு எதிரான இடம்பெறும் வன்முறைச் சம்பவங்கள் அண்மைக் காலமாக அதிகரித்து வருகின்றன. 

இதன் காரணமாக அவர்கள் நாளாந்தம் பல்வேறு அச்சுறுத்தல்களை எதிர்நோக்கி வருகின்றனர். 

குறிப்பாக அண்மையில் அடையாளம் தெரியாத நபர்  ஒருவர் நடத்திய துப்பாக்கி சூட்டில்  3  திருநங்கைகள் படுகாயம் அடைந்தனர். இதனையடுத்து இம் மாதம் 1 ஆம் திகதி திருநங்கைகள் இருவர்  கத்தியால் குத்தி படுகொலை செய்யப்பட்டனர். 

இதுபோன்ற சம்பவங்கள் தொடர்ந்து நடைபெற்று வருவதால் அதிகாரிகள் இது குறித்த தீவிர விசாரணைகளை முன்னெடுக்க வேண்டும் ” எனத் தெரிவிக்கப்பட்டுள்ளது.