Shanmugan Murugavel / 2016 நவம்பர் 18 , பி.ப. 01:38 - 0 - {{hitsCtrl.values.hits}}
- வடிவேல் சக்திவேல்
களுவாஞ்சிக்குடி மக்ஸ் விளையாட்டுக் கழகத்தின் 8ஆவது ஆண்டு நிறைவினை முன்னிட்டு நடத்தப்பட்ட மென்பந்து கிரிக்கெட் சுற்றுப் போட்டியானது, களுவாஞ்சிக்குடி பொது விளையாட்டு மைதானத்தில் புதன்கிழமை (16) இடம்பெற்றது.
40 விளையாட்டுக் கழகங்கள் பங்குபற்றிய இந்த மென்பந்துக் கிரிக்கெட் சுற்றுப் போட்டியின் இறுதிப் போட்டியில் ஆரையம்பதி ஏசியன் விளையாட்டுக் கழகத்தினை எதிர்தாடிய தேற்றாத்தீவு உதயம் விளையாட்டுக் கழகம், வெற்றிக் கிண்ணத்தை சுவிகரித்து 20,000 ரூபாய் பணப் பரிசிலினையும், வெற்றிக் கேடயத்தையும் பெற்றுக் கொண்டது.
இரண்டாமிடத்தினை, ஆரையம்பதி ஏசியன் விளையாட்டுக் கழகம் பெற்றுக் கொண்டதுடன் 10,000 ரூபாய் பணப் பரிசிலினையும், வெற்றி கேடயத்தையும் பெற்று கொண்டது குறிப்பிடத்தக்கது.
அத்தோடு உதயம் விளையாட்டுக் கழக வீரர் டினோசன், தொடர் நாயகன் விருதினைத் தட்டிச் சென்றதோடு, 5,000 ரூபாய் பரிசிலினையும் வெற்றி கேடயத்தையும் பெற்றுக் கொண்டார். சிறந்த பந்து வீச்சாளராக மக்ஸ் விளையாட்டுக் கழக வீரர் சம்பவான் தெரிவு செய்ய பட்டதோடு, 2,500 ரூபாய் பணப் பரிசிலையும் வெற்றி கேடயத்தையும் பெற்று கொண்டார்.
அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .
