மூன்றாமிடம் பெற்ற ஹின்ஸான்

-  எம்.எஸ்.எம். ஸாகிர்

கல்வி அமைச்சுடன் இணைந்து இலங்கை பாடசாலை மெய்வல்லுநர் சங்கம் நடாத்தும் அகில இலங்கை பாடசாலைகளுக்கிடையிலான தேசிய மட்ட சேர். ஜோன் டார்பட் மெய்வல்லுநர் சம்பியன்ஷிப்பின் 12 வயதுக்குட்பட்டோருக்கான 80 மீற்றர் ஓட்டப் போட்டியில் நிந்தவூர் அல்-அஷ்ரக் தேசிய பாடசாலையின் முஹம்மட் ஹாரிஸ் முஹம்மத் ஹின்ஸான் மூன்றாமிடத்தைப் பெற்றார்.

மாத்தறை கொடவில விளையாட்டு மைதானத்தில் நடைபெற்று வரும் இப்போட்டியில் போட்டித் தூரத்தை 11 செக்கன்களில் ஹின்ஸான் கடந்திருந்தார்.

ஹின்ஸானை வாழ்த்துவதோடு, இவரைப் பயிற்றுவித்த பொறுப்பாசிரியர்கள்,  விளையாட்டுப் பயிற்றுவிப்பாளர் ஆகியோருக்கும் மற்றும் அனைத்து வழிகளிலும் உதவிபுரிந்து ஒத்துழைப்பு வழங்கிக்கொண்டிருக்கும் இவரது பெற்றோருக்கும்  அஷ்ரக் சமூகம் சார்பாக பாடசாலை அதிபர் ஏ. அப்துல் கபூர் நன்றிகளையும் வாழ்த்துக்களையும் தெரிவித்துள்ளார்.